ଭୁବନେଶ୍ୱର : ବାଣୀବିହାର ଓଭରବ୍ରିଜ୍ ଉପରେ ବିରାଟ ଅଜଗର । ହଠାତ୍ ରାସ୍ତା ଉପରେ ସାପକୁ ଦେଖି ଭୟଭୀତ ହେଲେ ଲୋକେ । ଚୋରାଚାଲାଣ ବେଳେ କୌଣସି ଗାଡ଼ିରୁ ଖସିପଡ଼ିଥିବାର ସନ୍ଦେହ । ରସୁଲଗଡ଼ରୁ ବାଣୀବିହାର ଓଭରବ୍ରିଜ୍ ରାସ୍ତାରେ ଅଜଗରଟି ଯାଉଥିବା ଦେଖି ସ୍ଥାନୀୟ ଲୋକେ ସ୍ନେକ୍ ହେଲ୍ପଲାଇନକୁ ସୂଚନା ଦେଇଥିଲେ । ଖବର ପାଇ ସ୍ନେକ୍ ହେଲ୍ପଲାଇନ ସଦସ୍ୟ ଆଶିଷ ବେହେରା ଘଟଣାସ୍ଥଳରେ ପହଞ୍ଚି ଅଜଗରକୁ ସୁରକ୍ଷିତ ଭାବେ ଉଦ୍ଧାର କରିଥିଲେ । ସହରର ବ୍ୟସ୍ତତମ ଓଭରବ୍ରିଜ୍ ଉପରେ ଅଜଗର ମିଳିବା ପରେ ବଡ଼ ପ୍ରଶ୍ନ ଉଠିଛି। ସାପଟି କିପରି ସେଠାକୁ ଆସିଲା? ନା ଚୋରାଚାଲାଣ ବେଳେ କୌଣସି ଗାଡ଼ିରୁ ଖସିପଡ଼ିଥିଲା ? ଏହାକୁ ନେଇ ଚର୍ଚ୍ଚା ବଢ଼ିଛି ।
